انتي قوية !
ايــــــــــــــــوة قـــــــــــــــويــــــــــــــة ..
معايا هنا راح تنحفي لانك قوية
خليكي معايا هنا خطوة خطوة وراح تنحفي
اول شي : لابد من الارادة و الصبر والمثابرة والاستمرار
ثاني شي : لا لا لا للاستسلام
ثالث شي : نبدأ مع بعض ويكون شعارك ( انا قوية مع كوتش غيدون )
عشان نبدأ لازم تتوفر عندنا اشياء معينة اللي هي :
متر لقياس الجسم
ولازم يكون عندك ميزان
وساعة الكترونية
ولبس رياضة
وشوز رياضي (حذاء رياضي)
و مات رياضي ( فرشة رياضية )
قاروة مويا
ليش نحتاج متر ؟
عشان نقيس بالطريقة الصحيحة
ناخذ القياسات كل اسبوع واذا فاتك اسبوع ممكن نقيس الاسبوع اللي بعدة بشرط يكون يوم الجمعة
وكمان لمن نجي نقيس يكون اول ما تصحي من النوم و بعد دخولك للحمام وقبل ما تاكلي او تشربي شي يعني علي معدة فاضية
والميزان يكون نفس الميزان لكل اسبوع
وهناك ممنوع لقياس الوزن :
تغيير الميزان
لبس ملابس ثقيلة
بعد الاستحمام
بعد الاكل
كل يوم
نلبس لبس رياضي :
لابس من اللبس الرياضي وقت الرياضة يكون
ماسك علي الجسم
ومايكون ضيق يعني صغير ملائم للجسم
لابد من حمالة صدر مناسبة وماسكة علي الصدر
والبنطلون يكون مرتفع الخصر يغطي البطن
لابد من الجزمة الرياضية
ليش نلبس حذاء رياضي ؟
عشان تحمي القدم من اي اصابة ممكن تحصل اثناء التمرين
وليش نعمل رياضة علي الفرشة الرياضية المفروفة باسم مات ؟
تحمي الجسم من الانزلاق علي الارض ومريحة جدا اثناء التمرين
ليش قارورة مويا اثناء التمرين ؟
عشان الجسم محتاج ماء و لكي لا يتعرض للجفاف او الشد العضلي اثناء التمرين
وبعدها نبدا نعمل رياضة